聽日！聽日！聽日！
我以“丈夫”的名稱呼 X 先生 (//u//)
2013年12月17日 星期二
2013年12月14日 星期六
2013年12月10日 星期二
One week to go || ♥ お結婚式
仲有一個禮拜就到小小大日子喇 !!
時間真係過得超快!!
可能工作本身都忙碌, 加上要為 honeymoon 搵資料各樣... …(･ิω･ ิ)
呢三個幾月真係充充實實地過~
响籌備婚禮既過程裡面, 真係遇到唔少困難, 阻礙, 好多 "張力" 响當中...
有「比戒指佬坤」... (☄ฺ◣д◢)☄
有「比 mua 咯水」... (☄ฺ◣д◢)☄
真係又一故事教訓!! 咪以為有熟人介紹就 100% 穩陣!! 哼!!!
而家總算叫搞掂細節喇, 戒指買到對平靚正既,
mua 亦搵到個平靚正既, 套餐仲包埋花球添!!
(呢間店真係唔話得啊!! 雖然都係親友介紹, 但屬於穩陣一派,
服務亦好好!! 推介得過!!(容後介紹━ﾟ(ω)ﾟ━━)
今個星期過大禮喇... 期待呢日既到來 ( ﾟ∀ﾟ )ｱ－)) ♥
2013年12月5日 星期四
2013年11月9日 星期六
爆忙！爆攰…！
唔經唔覺，話貢快踏入十一月喇!!!
話貢快立冬 (但係仲著緊中短袖衫… 哈！（･ัω･ั）
成班豬仔豬女即將換上冬季校服，各位媽媽爸爸 get set ready go!!!
((*≧∀≦)) ～～!!!
媽媽: 唔該我係 XXX學校㗎！家長黎㗎！…
婆婆: 唔該我想問有冬季校服賣未啊??! 個孫仔要換季，要買長袖果件喎！
爸爸: 唔該！我訂咗校服㗎，想問有得攞未？
媽媽: 唔街！我阿囡套校服唔罌呀，淺混衣吓可唔可以混呀??! (???!!! （･ัω･ั）哈哈……！)
爸爸: Hello? Is this XYZ Uniform Company??! I'd like to buy &=+&&6-:%&!*(:--=!':-;…～
各式其式，真係咩類型嘅家長都有，
有禮貌嘅，無禮貌嘅;
有耐性嘅，無耐性嘅;
爽快嘅，懶得行嘅;
老實嘅，搏蒙嘅;
錫到燶嘅，唔肯放手嘅;
甚至… 連自己阿囝阿囡個名都唔記得典寫嘅都有
連讀咩學校、班級都唔太清楚嘅都一樣有…
（･ัω･ั）…!!!
家長們真係要好好努力啊！
(阿仔阿女衣家先一年班， 仲有排你“捱”啊！哈哈哈…)
2013年11月3日 星期日
♥破冰飯局
尋晚見家長… 係 X先生見我家長… (//ω//) 哎吔！不過我仲緊張過佢地！哈！
我同媽咪講: 我等咗呢餐好耐喇！
係真㗎！我真係等咗、夢咗呢餐好耐 （･ัω･ั）
尋日要返全日，聽咗成日電話，又要幫手收錢計價，整個人頭豬腦堅係攰到爆(哈哈哈…) 連續返足兩個 6日，呢兩個禮拜堅係身心疲累！好好彩係 X先生好肯體諒我！
終於黎到兩年後嘅今日！終於再次見面喇！(巧緊張喔！)
好在事前“做定功課”，先同 X先生擬定好飯局大致會談及嘅內容，另一方面側要“引導”吓爸爸媽咪，等佢兩位同 X先生有共同話題，例如講下共同興趣(行山、旅行、戶外活動、攝影…etc) 好好舒緩一下埋藏飯局裡面嘅緊張氣氛(話晒做父母嘅都極有可能會趁呢個機會“查家宅”… 如果係噉就難搞喇！(困！((うдŎ) )
幸好蒙天父保守，整個過程都好順利，大家食呢餐都食得好開心！
黎到整個飯局嘅重點位 -- 禮金！
我同媽咪爸爸同埋 X先生分別預早傾過，其實家長們對禮金呢方面都離不開“好意頭”呢三個字，所以只要圍繞呢三個字黎擬定禮金金額就多數都無大問題！況且做父母嘅都唔想女兒難堪，通常做女嘅開到聲“要求收順啲” 做父母嘅都唔會點 say no喇，哈！
過關喇過關喇！最重要嗰關通過！好嘢！ ｡+ﾟ(〃ﾉ∀ﾉ)｡+ﾟｲﾔ〜ﾝ
(我緊張咗好耐，足足三年！哈！)
訂閱：
意見 (Atom)